Mireille Damiano
Tèsta de Lista – Avocada – Sindicalista
Avocada au collègi dei avocats de Nissa despí dau 1985, Mireille Damiano bastiguèt una carriera solida en drech dau trabalh, de la familha e dau patrimòni.
Presidèt lo Sindicat dei Avocats de França (SAF) e auguèt de responsabilitats nacionali au Conseu Nacional dei Collègis d’avocats (CNC), l’instància representativa de l’ensemble de la profession d’avocat en França.
Defende despí quaranta ans lu drechs dei fremas e l’accès a l’IVG. En lo 2017, a maugrat de menaças de mòrt, perseguissèt lo sieu trabalh de defebsa dei migrants a la frontiera e remportèt de victòrias judiciàrii importanti còntra lu « delictes de solidaritat » en defendent lu militants de la valada de Ròia.
Mireille Damiano defendèt tanben Geneviève Legay, militanta d’Attac grevament ferida dau temps d’una manifestacion dei Gilècos Jaunes a Nissa en lo 2019, dins un afaire que metèt en causa li condicions d’intervencion dei fòrças de l’òrdre.
En decembre dau 2020, lo CNC li decernèt lo promier prèmi dei drechs de l’òme per l’ensemble dei sieus engatjaments.
En junh dau 2025, Mireille Damiano obtenguèt davant lo tribunau administratiu lo retrach dei bandieras israeliani apauadi sus la faciada de la comuna de Nissa, au nom de la neutralitat dau servici public.En junh dau 2025, Mireille Damiano obtenguèt davant lo tribunau administratiu lo retrach dei bandieras israeliani apauadi sus la faciada de la comuna de Nissa, au nom de la neutralitat dau servici public.
Mena encuei per lo segond còup una lista ai municipali de Nissa, sota l’etiqueta Nissa Frònt Popular, emb un programa axat sus lo lotjament sociau, l’enquadrament dei fits, la gratuitat dei transpòrts, la lucha còntra la precaritat e li discriminacions, la bifurcacion ecologica, e una exigéncia fòrta en matèria de democracia locala e de transparéncia dins la gestion de la vila.
La vila que volèm
Darrier li mesuras concreti, i a una vision. Darrier li chausidas politiqui, i a una idèa de la vila, de la democracia e dau ben comun.
Vos prepauam de descurbir lo nòstre projècte per Nissa de doi biais: a travèrs li mesura dau programa, per capir cen que farem concretament, ò a travèrs lo tèxt « La vila que volèm », per partejar lo sens, li valors e l’ambicion que li pòrtan.
Li mesuras dau programa
Aquesto programa es vivent! Si bastisse emb vautres, a partir dei nòstres escambis, dei vòstri idèas e dei vòstri realitats. Cada propòsta es norrida per li contribucions d’aqueli e d’aquelu que participan a la vida dau collectiu. Ren es pas fixat: lo programa contunha d’evolucionar, de s’afinar, au fiu dei nòstres rescòntres e dei vòstres retorns. Venetz nos veire, parlatz-nos de cen qu’i desiratz veire. En dirècte ò via lu nòstres sondatges, pilhatz la paraula e participatz!