Emb una persona sus cinc viventa sota lo suelh de pauretat, Nissa s'encala dins una crisi sociala màger. S'estima lo nombre de personas sens Domicili Fix a 1 200 dins la vila. Lo dispositiu d'aubergament d'urgéncia es largament carenciat.
Dins l'ensemble dei accions da metre en òbra, metrem l'accent sus tres aisses prioritaris: la reforma dau dispositiu d'aubergament, la reduccion dei riscs per li personas toxicomani a la carriera e lucha còntra la precarizacion grandissenta dei Seniors.
Li nòstri 12 mesuras emblematiqui per far de Nissa una vila solidària:
- Instaurar un plan de prevencion dei expulsions locativi
- Crear un centre de promier acuelh municipau realament incondicionau
- Renforçar lo dispositiu d'aubergament d'urgéncia per lu òmes e li fremas a la carriera, li plaças emb animaus de companhia, e renforçar lo dispositiu d'albergament especific per li fremas victimas de violéncias
- Crear d'estructura d'aubergament d'urgéncia perenni per li familhas emb enfants
- Reservar un contingent de lotjaments fòrça sociaus per li personas venenti dei dispositius d'aubergament d'urgéncia
- Installar de comuns e dochas publiqui, de distributors gratuits de proteccions igieniqui dapertot dins la vila
- Crear un Centre de Suenhs, d'Acompanhament e de Prevencion en Addictologia (CSAPA) emb aubergament
- Crear una sala de consumacion a risc mendre
- Favorizar lo manteniment a domicili dei Seniors
- Crear 600 plaças d'EAPAD municipali
- Renforçar, dins toi lu dispositus, l'acompanhament a l'accès ai drechs
- Aumentar significativament lo budget dau CCAS per faire fàcia a l'urgéncia sociala.
