A l’iniciativa de la lista Nissa Frònt Popular, una reünion publica si tenguèt ièr de sera en sala Django Reinhardt, a l’Ariana, a l’entorn dau tèma:
‘”La vila que volèm per lu nòstres enfants”.
Consagrada a l’enfança e mai particularament a l’escòla, aquesto rescòntre a recampat mantu estatjant.as a l’entorn d’atalhiers e de tauliers redonds per tornar pensar ensems a l’escòla a Nissa.
Dins una vila que còmpte 30 000 enfants escolarizats, 150 escòlas e 1 350 classas, la question educativa es centrala. Lu escambis portèron sus li nòstri propòstas programatiqui per agir concretament sus lo benèstre de l’ensemble dei usatgiers e usatgieras, garentir la qualitat dei aprendissatges e faire dei nòstri escòlas lo còr de vida dei nòstres quartiers.
Aquesta reünion, rica de contribucions e d’idèas, marca una tapa importanta dins la construccion d’un projècte educatiu ambiciós, au servici dei enfants e de tota la comunautat.
