Plaça Garibaldi
Diménegue 12 d'octòbre a 15h
Mireille Damiano
Lo #nicefrontpopulaire es l'esperit de l'NFP emb l'expertisa de cadun.a
De conseus de quartier, de comitats d'usatgier.a.s, una carta d'etica...
La democracia non pòu èstre una opcion!
Un novèl alen de la senèca e de l'ecologia a Nissa!
A quaucu mètres dau Camin dei Anglés, Nissa e una part de la sieu populacion sofrisson.
Una persona sus cinc viu sota lo limit de la pauretat, la precaritat au trabalh creisse, la crisi dau lotjament s'exacèrba, lo sobretorisme estofa la vila, la pollucion es recurrenta, lu retardis d'equipament educatius, esportius e culturaus son revòutants...
La nòstra vila a da besonh d'un prefond cambiament per rompre emb de decènnis de gestion afairista!
mas lo scenari que s'escriu per lo 2026 risca de si redurre a l'afrontament entre Christian Estrosi e Éric Ciotti e li sobredichas d'un Philippe Vardon.
Fàcia au risc d'un novèu mandat de Christian Estrosi, fàcia au periu d'una manmesa de l'extrèma drecha d'Éric Ciotti sus la nòstra vila, es vengut lo temps de prepauar una alternativa resoludament antiracista, resoludament de senèca, dubèrta au dialòg e a l'ensemble de la societat civila.
Ciutadans e ciutadanas engatjadi dins la vida associativa, sindicala, esportiva ò culturala, dins lu nòstres quartiers, insosmés.i, ecologistas, comunistas, socialistas sincèrs, alternativi e alternatius, lu nòstres engatjaments au quotidian son multiples Volèm un autre avenir per la nòstra vila, lu nòstres enfants e lu nòstres felens.
La senèca e l'ecologia, a Nissa, an da besonh d'un novèu buf, d'una dinamica realament ciutadana que demòra fidèla au programa dau Novèu Frònt Popular .
Siam toti e toi determinats a i contribuir.
La nòstra ambicion: bastir un projècte collectiu, inclusiu e prefondament ancorat dins la vida de la nòstra vila. Un projècte que plaça lo benèstre, la justícia sociala, la democracia locala e la transicion ecologica au còr deu prioritats.
La nòstra andana es naissuda dau rassemblament dei fòrças locali, de senèca e ecologisti, mas finda de numeroï personas non encartadi, reünidi a l'entorn d'una idèa simpla: Nissa s'amerita mielhs! Volèm rompre emb ua politica desconnectada dau quotidian e tornar donar de sens a l'accion publica, en partent dei besonhs reaus dei abitant.as.
Diménegue lo 12 d'octòbre, eravam mai de 200 sus la Plaça Garibaldi, a portar aquesto novèl alen d'espèr, e a celebrar lo promier jalon d'una lista per Nissa, d'una senèca e d'una ecologia que demòran fidèli au programa dau Novèu Frònt Popular.
Portam la conviccion que la transformacion de NIssa si farà emb lu sieus abitant.as, li sieus idèas, li sieus experiéncias e la sieu energia . Aquesto movement es dubèrt a toti aqueli e toi aquelu que desiran s'implicar, prepauar, debatre, agir e participar a la construccion d'una vila mai justa, mai verda e mai solidària.
